Алматыда «Саяси реформалар: тәуекелдер мен перспективалар» атты отырыс өтті

Жиында белгілі саясаттанушылар жастарды толғандырған сұрақтарға жауап берді

«Sarap» эксперттік клубы мен студенттердің  «Саяси реформалар: тәуекелдер мен перспективалар» атты бірлескен отырысы өтті, деп хабарлайды Almaty.tv тілшісі.

Жиналғандар Мемлекет басшысының соңғы Жолдауында айтылған саяси реформаларға қатысты пікір білдіріп, қоғамды саяси трансформациялауға бағытталған маңызды шараларды талқылады. Жиында белгілі саясаттанушы мамандар жастарды толғандырған сұрақтарға жауап берді.

«Бүгінгі жиын жас саясаттанушыларға үлгі болады деп ойлаймын. Келесі жиынды Қарағанды, Шығыс Қазақстан облысында өткіземіз. Қазақстанның аумағын толық қамтимыз деген жоспар бар», – деді саясаттанушы Самат Нұртаза.